Mér dettur ekkert í hug...

Bjössi mælir með...

Sun, 24 Aug 2008 02:01:26 +0100

Bloc Party gaf út nýja “diskinn” sinn, Intimacy” út á fimmtudag á heimasíðunni sinni. Ég náði í hann í dag og borgaði lítil 5 pund fyrir og mikið hreint sé alls ekkert eftir þeim pundum. Ég verð að segja að þessi diskur er hreint frábær. Bloc Party hljóma virkilega flottir á þessum “disk”. Þeir blanda elektró saman við gamla hljóminn sinn, ásamt góðum bassa, flottum gítarriffum og kröftugum trommuleik. Útkoman er virkilega flott sound, svo hefur söngvarinn (Kele eitthvað) ansi merkilega rödd. Diskurinn sjálfur verður svo gefinn út í lok október með nokkrum bónuslögum og öðru extra stöffi. Ég bíð mjög spenntur eftir því. Ég hefði pantað hann og borgað 5 pundum meira, hefði það verið mögulegt fyrir Íslendinga, en svo var ekki.

Nýtt lag með Bloc Party. Mér finnst það töff.

Thu, 24 Jul 2008 21:10:50 +0100

Nýtt lag með Bloc Party. Mér finnst það töff.

Hvað með mig?!?!?

Sun, 22 Jun 2008 00:31:57 +0100

Hvað með mig?!?!?: Ég veit ekki hvað ég hef gert gamla skólanum mínum, en það virðist sem þeir hafi algjörlega afneitað mér!!! Ég man ekki betur en ég hafi útskrifast 2003.

Aldrei einfaldara? Við skulum skoða þetta aðeins. Mér þykir ansi...

Wed, 04 Jun 2008 22:00:00 +0100

Aldrei einfaldara? Við skulum skoða þetta aðeins. Mér þykir ansi gaman að fara í bíó. Segjum sem svo að ég ákveði að fara í Laugarásbíó kl. 22 á virkum degi. Ég vil vera mættur 15 mín fyrir sýningu til að vera nokkuð öruggur um miða og fín sæti í salnum. Þá er þetta áætlunin sem ég fæ upp á straeto.is

Frá :Granaskjól 62, 107 Reykjavík     21:02 Gengið 170 metra
Grænamýri                                     21:05 Leið 13
Hlemmur                                          21:21 Leið 14
Austurbrún v/Hrafnistu                     21:27 Gengið 110 metra

Til: Laugarás                                 21:29

Þarna þarf maður að leggja af stað klukkutíma áður en myndin byrjar og ferðin tekur 27 mínútur. Svo þarf að skipta um strætó á leiðinni, ef maður missir af honum missir maður líklegast af bíóinu. Eina jákvæða við þetta er hugsanlega það að ef allt gengur upp og maður kemst á leiðarenda kl. 21.29 þá ætti maður að vera nokkuð öruggur með að fá miða á myndina sem maður ætlar að sjá.

En þar sem bíómyndin er líklega búin eftir miðnætti þá get ég ekki tekið strætó heim aftur, þar sem hann er hættur að ganga.

Þannig að þetta virkar ekki fyrir mig og gerir mér það ókleift að taka strætó í bíó kl. 22.00.

En gerum þá ráð fyrir því að ég ákveði að fara í bíó daginn eftir og þá fyrr. En myndin sem mig langar að sjá er ekki lengur sýnd í Laugarásbíó, heldur einungis í Smárabíó í Smáralindinni. Ég ákveð að fara klukkan 20.00 og ákveð að taka strætó. Hvernig myndi það ganga upp?

Líkt og áður vil ég vera mættur korteri fyrir sýningu. Þetta er fljótlegasta leiðin.

Frá : Granaskjól 62, 107 Reykjavík     19:02 Gengið 170 metra
Grænamýri                                        19:05 Leið 13
Hlemmur (bið 1 mín)                            19:22 Leið 4
Hamraborg (bið 2 mín)                         19:35 Leið 2
Smáralind                                         19:41 Gengið 30 metra
Til: Smáralind                                 19:41

Ég yrði semsagt að taka þrjá strætóa og það tæki mig 39 mín. Ég yrði að leggja af stað um klukkan 19.00 eða klukkutíma fyrir sýningu.

Hinn valmöguleikinn sem gefinn er upp felur í sér tvo strætóa og ferðatíma upp á 45 mínútur.

Frá : Granaskjól 62, 107 Reykjavík     18:56 Gengið 170 metra
Nesvegur v/Grænumýri                         18:59 Leið 11
Hlemmur (bið 6 mínútur)                     19:18 Leið 2
Smáralind                                          19:41 Gengið 30 metra
Til: Smáralind                                            19:41

Til að komast heim myndi líklega fara á puttanum, það tæki líklega styttri tíma. En segjum sem svo að það myndi ekki ganga upp og ég yrði að taka strætó heim. Ég geri ráð fyrir því að bíóið sé búið um 22.15 þá hljómar það einhvern vegin svona.

Frá : Smáralind                         22:27 Gengið 0 metra
Smáralind                             22:27 Leið 2
Hlemmur (bið 5 mín)             22:53 Leið 13
Kaplaskjól                             23:04 Gengið 200 metra

Til: Granaskjól 62, 107 Reykjavík 23:07

Tveir strætóar og ferðatími upp á 40 mínútur. Ég yrði kominn heim rétt fyrir háttatíma. Þetta þýðir að ég yrði að sitja í heild í strætó a.m.k. 80 mín. sem jafngildir næstum heilli kvikmynd. Þessi bíóferð tæki mig því ca. 4 klukkutíma. Niðurstaða mín er því sú að ég myndi frekar bíða eftir því að myndin komi á DVD en að taka strætó í bíó. Þetta sýnir það svart á hvítu hversu skelfilegar almenningssamgöngur eru í þessari borg. Reyndar veit ég ekki hvort er verra strætókerfið sjálft eða leitarvélin á strætó.is, því hún er gjörsamlega hræðileg.

Þetta finnst mér mjög flott atriði úr Simpsons. Þetta lag...

Mon, 26 May 2008 23:13:00 +0100

Þetta finnst mér mjög flott atriði úr Simpsons. Þetta lag virðist líka vera vinsælt til að ná fram dramatískum áhrifum í auglýsingum og öðrum vídjóum, sbr. NBA - where amazing happens og síðan í þessari geðveiki hérna

Töff stöff.

Hann er innan seilingar!

Tue, 06 May 2008 19:19:10 +0100

Hann er innan seilingar!

Sumarið er á næsta leyti og því er um að gera að dansa!

Sun, 04 May 2008 02:04:06 +0100

Sumarið er á næsta leyti og því er um að gera að dansa!

Facebook in Reality: Já, Feisbúkk er varhugaverður staður

Sat, 03 May 2008 16:19:00 +0100

Facebook in Reality: Já, Feisbúkk er varhugaverður staður

Lífið getur svo sannarlega verið ósanngjarnt. Risapandan Ling...

Wed, 30 Apr 2008 19:18:06 +0100

Lífið getur svo sannarlega verið ósanngjarnt. Risapandan Ling Ling er dáin!!!

Byssur og dauði

Tue, 29 Apr 2008 15:57:00 +0100

Bjössi Bjarna var beðinn um að skjóta sig í hausinn um daginn af einum treggáfuðum. Ég fékk svipaðan póst í síðasta mánuði, þar sem mér og samnemendum mínum var óskað alls hins besta í lífinu. Ja, eða svona nokkurn veginn. Hér er brot af þessum sérlega skemmtilega pósti:

“Hafi einhver tekið þetta blað úr rekkanum mínum vil ég óska hinum sama alls hins versta og vona að hann hafi fengið eitthvað út úr því svona áður en hann deyr kvalafullum hægum dauða.”

Ég veit ekki til þess hvort sendandi þessa pósts hafi orðið að ósk sinni. Sumir ættu kannski bara að taka lífinu með aðeins meiri ró.

Heitasta partýið í bænum!!

Tue, 29 Apr 2008 00:59:34 +0100

Heitasta partýið í bænum!!

Mótmæli pt. 2

Thu, 24 Apr 2008 22:56:00 +0100

Enn og aftur langar mig að nota þennan vettvang til að koma á framfæri mótmælum. Til þess ætla ég ekki að lemja neinn eða grýta, ég ætla ekki að setja handklæði á hausinn á mér og tala út um rassgatið, né ætla ég að brjóta lög eða vera með leiðindi á almannafæri. Nei, þar sem ég er friðelskandi maður og sáralítill slagsmálahundur, þá ætla ég að nota þessa síðu mína til að koma fram þessum mótmælum. Einhver gæti haldið að ég ætli að mótmæla íturvöxnu sandkassabörnunum, en svo er ekki. Í dag komst ég að ólýsanlegri mannvonsku, sem fólk á ekki að láta bjóða sér. Skv. lögum eru 15 lögboðnir frídagar á ári hér á landi. En sökum þess hve bjánalegt fyrirbæri tunglið er fylltist það ansi snemma eftir vorjafndægur þetta árið. En það verður til þess að einn af þessum lögboðnu frídögum, uppstigningardagur, lendir á sama degi og annar lögboðinn frídagur. Já, gott fólk, uppstigningardagur er 1. maí!!!! Þetta er að sjálfsögðu með öllu óviðundandi og það til hreinnar skammar fyrir kjörna fulltrúa þessa lands að hafa ekki verið búnir að sjá þetta fyrir og gert viðeigandi ráðstafanir. Ekki bætir það úr skák að þetta ár er einum degi lengra en önnur ár! Svo er þetta algjörlega í andstöðu við hagsmuni námsmanna, sem sitja sveittir yfir námsbókunum á þessum tíma.

Ég einfaldlega krefst þess að alþingismenn þessa lands fari nú að sinna vinnunni sinni og hætti ferðast um allar trissur að hitta erlenda leiðtoga, sem skipta okkur engu máli, og lagi þetta óréttlæti. Þetta aðgerðarleysi íslensku ríkisstjórnarinnar er til háborinnar skammar. Það er lágmarks krafa að þetta fólk vinni. Þetta aðgerðarleysi er farið virkilega að bitna á þegnum þessa lands.

Ég vil biðja fólk þessa lands að rísa upp og mótmæla þessum mannréttindabrotum. Það er kominn tími á það að við mótmælum því sem skiptir okkur raunverulegu máli og látum í okkur heyra.

Business International with Richard Quest

Sat, 19 Apr 2008 13:02:54 +0100

Business International with Richard Quest: Þetta er mikið áfall, ég hef alltaf litið upp til þessa manns. En maður hefði nú getað sagt sér að þessi maður væri á einhverjum lyfjum.

Efnahagsvandi Íslands í hnotskurn

Mon, 07 Apr 2008 15:44:00 +0100

Hvað heilvita maður mun borga 14.900 kr. til að sjá James Blunt. Sá hinn sami verður líklega úrskurðaður þroskaheftur og vangefinn með greindarvísitölu á við vanskapaða belju. Slíkt fólk á náttúrulega að loka inni og henda lyklinu lengst út á haf. En ef mér skjátlast ekki þá finnst líklega hellingur af svona fólki hér á landi. Já, gott fólk, heimur versnandi fer, það má með sanni segja. Við stefnu hraðbyri til glötunnar.

En ég hef nokkur heilræði handa ykkur þarna úti sem eruð í vafa um þroskastig ykkar. Þannig hef ég útbúið lista yfir 10 atriði sem sýna hvernig verja má 14.900 kr. betur.

Brenna peninginn
Kaupa hlutabréf í SPRON. Ég meina, þau lækka varla meira úr þessu.
Gefa bágstöddum fasteignasölum peninginn, þeir eru víst allir að fara á hausinn.
Kaupa Dom Perignon kampavínsflösku í ÁTVR og drekka hana fyrir utan Kaupþing. Hlutabréfamarkaðurinn mun líklega hækka við það.
Kaupa Bluetooth handfrjálsa búnaði fyrir trukkabílstjóra, ég meina þeir verða allir að líta út fyrir að leika í Star Trek.
Fjárfesta í sprotafyrirtækjum í Simbabwe, ég hef heyrt að það sé næsta efnahagsundrið.
Borga Hanson bræðrum til að koma með comeback, þeir taka varla meira 14.900 kr. fyrir giggið.
Kaupa sirka 80 bjóra og gefa Lalla Johns, hann gæti fundið leið til nota þá í skiptum fyrir húsaskjól.
Ég hef heyrt að Prins Oukele af Taraba héraði í Nígeríu eigi digra sjóði á Spáni en hann vantar peningaaðstoð til að leysa þá út.
Að búa til músastiga úr peningnum. Það er fátt sem gleður fólk meira en að sjá vel skreytt hús með músastigum þegar það kemur í heimsókn. Það eykur aðeins á ánægjuna ef þeir eru gerðir úr peningaseðlum!

Ég vona að þetta hjálpi þeim ráðvilltu sálum sem eru að velta fyrir sér að kaupa miða á friðargæslugeldinginn frá Kosovo.

Ertu til í að endurtaka þetta einu sinni enn.... Mahrlalalasbla???

Sun, 23 Mar 2008 01:30:24 +0000

Ertu til í að endurtaka þetta einu sinni enn.... Mahrlalalasbla???: Sko, Arnold Schwarzenegger breytti ekki nafninu sínu þegar hann meikaði það í Hollywood þannig að það er enginn ástæða fyrir þennan að gera það. Ég meina, það liggur í augum uppi hvernig maður ber þetta fram!!

Ég mótmæli!

Mon, 17 Mar 2008 20:22:00 +0000

Þar sem þessi síða hefur náð gríðarlegu fylgi og orðspor hennar hefur borist víða sem virtur miðill sem fólk tekur mark á, ætla ég að nota hana til að koma á framfæri ákveðnum mótmælum.

Mótmæli þessi beinast til þeirra einstaklinga sem sjá um tónleikahald á þessu blessaða landi. Ég vil semsagt mótmæla endalausum innflutningi gamalmenna hingað til lands. Ég kæri mig ekki lengur um það að tónleikahaldarar þessa lands hafi okkur að fíflum og féfletti þjóðina með því að bjóða okkur útúr brunna ellilífeyrisþega. Ef ég vil heyra áttræða hruggótta kalla syngja lög sem þeir eru löngu búnir að gleyma hvernig eru sökum kölkunar og áralangrar misnotkunar vímuefna, allt frá trélími til LSD, þá get farið og farið í blokkina sem amma mín býr.

Það eru til betri og ferskari hljómsveitir þarna úti og þá er ég EKKI að tala um heitustu nöfnin í danstónlistinni eða DJ-a sem hafa remixað lög eftir tónlistarmenn eins og Robbie Willams og Aqua.

Ólétt kínversk sveitastelpa fer til borgarinnar að leita réttar...

Wed, 12 Mar 2008 15:39:00 +0000

Ólétt kínversk sveitastelpa fer til borgarinnar að leita réttar síns eftir að eiginmaður hennar er barinn til óbóta af héraðsstjóranum í sveitinni. Átakanleg kínversk mynd frá árinu 1992 um líf fátækra bænda í Kína. Svona gæti lýsingin á þessari mynd verið ef hún væri sýnd á RÚV. En á þennan viðbjóð þarf ég að horfa á föstudaginn!!! Ég er að spá í að taka koddann minn með og leggja mig.

Það eru ekki nein takmörk á mannvonskunni í þessum heimi!!

Ég er farinn að hlakka mikið til næsta föstudags, ég hreinlega...

Tue, 11 Mar 2008 14:13:00 +0000

Ég er farinn að hlakka mikið til næsta föstudags, ég hreinlega get ekki beðið. Að vera í tíma frá 14.40 til 21.25 hefur verið lengi verið draumur hjá mér, sérstaklega á föstudegi.

Núna megið þið öfunda mig!

Þessi blessaði snjóskafl er búinn að vera þarna á planinu upp í...

Fri, 07 Mar 2008 16:38:00 +0000

Þessi blessaði snjóskafl er búinn að vera þarna á planinu upp í skóla svo vikum skiptir og tekur eitt gott bílastæði eða svo. En það er greinilegt að sumir eru úrræðabetri en aðrar. Maður á ekkert að láta þennan andskotans snjó stjórna lífi sínu og ekki sakar ef maður er á stórum jeppa.

Í framtíðinni ætla ég að birta myndir af sniðugum hlutum sem ég sé, svo þessir heitu aðdáendur mínir þarna úti fái smá innsýn inn í mitt líf.

Viltu soðið vatn?

Thu, 06 Mar 2008 10:45:00 +0000

Þetta er tekið af matseðlinum í mötuneyti HR á Höfðabakka:

Íslensk kjötsúpa án kjöts

350/-

Kannski er það bara ég, en er kjötsúpa án kjöts ekki bara eins og gin og tónik án gins?

Ég bara spyr.